Mánudaginn 4. apríl kl. 18 verður haldin „Tónskólamessa“ í Langholtskirkju þar sem séra Kristján Valur Kristjánsson messar.
Þar munu nemendur Tónskóla Þjóðkirkjunnar í kórstjórn og litúrgískum orgelleik skipta með sér hlutverkum í messunni.

Í tengslum við messuna mun Þröstur Eíríksson, kennari skólans í Sálma & Helgisiðafræði halda fyrirlestur sem ber yfirskriftina „Tónlistin í Guðsþjónustinni“.

Messan er hefðbundin gregormessa. Fluttar verða móttettur og sálmar er tengjast kirkjuárinu (fastan). Litanía Marteins Lúthers skv. Graduale 1594 verður sungin. Einnig verður kór- og orgelspuni.

Hér er hægt að sækja um skólavist í Tónskóla Þjóðkirkjunnar fyrir skólaárið 2011-2012 og senda á tonskoli@tonskoli.is. Umsóknarfresturinn er til 16. maí.
Umsókn um skólavist
Skólagjöld 2010-2011

Inntökuskilyrði
Inntökuskilyrði fyrir Kirkjuorganistapróf er miðstig í píanói auk viðtals við skólastjóra.
Inntökupróf er fyrir nám í Kantorsnámi.
Inntökupróf er fyrir nám til BA-gráðu. Sjá nánar á www.lhi.is
Inntökupróf er fyrir nám í einleiksáfanga.

Til að sækja um kórstjórn sem aðalfag þarf viðkomandi að jafnaði að hafa nokkra undirstöðu og einhverja reynslu.

Mánudaginn 21. mars kl. 9-12 mun Jón Stefánsson, kantor í Langholtskirkju halda fyrirlestur um uppbyggingu kórstarfsins í Langholtskirkju í safnaðarheimli Grensáskirkju.
Kórstarf Jóns hefur verið mörgum fyrirmynd í tónlistarstarfi kirkjunnar og því sérstaklega áhugavert að kynna sér aðferðir og hugmyndafræði kantorsins í Langholtskirkju.

Jólafrí nemenda og starfsfólks Tónskólans verður frá og með mánudeginum 20. desember. Kennsla hefst aftur mánudaginn 10. janúar 2011. 

Starfsfólk Tónskólans óskar öllum gleðilegra jóla og farsældar á komandi ári!

Jólatónleikar Tónskóla Þjóðkirkjunnar verða haldnir í Langholtskirkju fimmtudaginn 16. desember kl. 17.
Þar koma fram orgelnemendur Tónskólans og leika á Noack-orgel kirkjunnar verk tengd aðventu og jólum eftir François Couperin, Johann Gottfried Walther, Dietrich Buxtehude, Johann Sebastian Bach, Felix Mendelssohn-Bartholdy, César Franck og Helmut Walcha.

Skóladagatal 2010-2011

Tónskóli Þjóðkirkjunnar verður settur í Grensáskirkju fimmtudaginn 9. september kl. 17. Kennsla hefst svo mánudaginn 13. september samkvæmt stundaskrá.

Skrifstofa Tónskólans verður lokuð frá 14. júní vegna sumarleyfa starfsfólks. Skrifstofan opnar aftur fimmtudaginn 26. ágúst.

Skólaslit Tónskólans verða í Hallgrímskirkju föstudaginn 21. maí kl. 17. Tíu nemendur ljúka áfanga frá skólanum nú í vor. Það eru þau Arnhildur Valgarðsdóttir, Ave Tonisson, Drífa Sigurðardóttir, Judith Þorbergsson, Ólafur W. Finnsson og Sigurður Jónsson sem ljúka kirkjuorganistaprófi. Helga Þórdís Guðmundsdóttir, Kári Allansson og Petra Björk Pálsdóttir ljúka kantorsprófi. Kári er einnig fyrsti nemandinn sem líkur jafnframt BA-gráðu í kirkjutónlist frá Listaháskóla Íslands. Sveinn Arnar Sæmundsson líkur einleiksáfanga.

Vortónleikar Tónskóla Þjóðkirkjunnar verða í Fella og Hólakirkju föstudaginn 14. maí kl. 17. Þar koma fram nemendur skólans í orgelleik og flytja orgelverk frá ýmsum tímum.