Tónleikar kirkjutónlistarbrautar Listaháskóla Íslands og Tónskóla Þjóðkirkjunnar verða í Hallgrímskirkju mánudaginn 11. maí kl. 18. Á tónleikunum koma fram þeir Eyþór Franzson Wechner og Kári Allansson. Flutt verða verk eftir Johann Sebastian Bach, Felix Mendelssohn-Bartholdy, César Franck og Léon Boëllmann.

Hér er hægt að sækja um skólavist í Tónskóla Þjóðkirkjunnar fyrir skólaárið 2009-2010 og senda á tonskoli@tonskoli.is.
Umsókn um skólavist
Skólagjöld 2009-2010

Upplýsingar um nám í kirkjutónlist til BA prófs er að finna á www.lhi.is

Á undanförnum árum hefur Tónskólinn staðið fyrir hjálparnámskeiðum fyrir þá erlendu organista sem lítið þekkja til hefða íslensku þjóðkirkjunnar og e.t.v. líka íslenska organista sem ekki hafa haft tækifæri til að afla sér mikillar menntunar á þessu sviði.
Mánudaginn 27. apríl n.k. verður haldið hjálparnámskeið í Grensáskirkju. Námskeiðið verður í umsjón Guðmundar Sigurðssonar, organista Hafnarfjarðarkirkju og kennara við Tónskólann.

Lesa áfram

Umsóknarfrestur fyrir kirkjutónlistarnám til BA-gráðu í tónlistardeild Listaháskóla Íslands rennur út 27. mars n.k. Inntökuskilyrði fyrir námið er Kirkjuorganistapróf frá Tónskóla Þjóðkirkjunnar eða sambærileg menntun auk inntökuprófs. Skipulag námsins má sjá hér.
Allar nánari upplýsingar gefa Björn Steinar Sólbergsson, skólastjóri Tónskóla Þjóðkirkjunnar og Mist Þorkelsdóttir, deildarforseti tónlistardeildar LHÍ.

Nemendur Akureyrardeildar Tónskóla Þjóðkirkjunnar flytja stærri orgelmessu franska barokktónskáldsins François Couperin, Messe des Paroisses, á tónleikum í Akureyrarkirkju miðvikudaginn 18. mars kl. 20. Nemendurnir 6 skipta köflunum 23 á milli sín. Aðgangur er ókeypis og allir velkomnir

Hér kemur skóladagatalið uppfært fyrir vorönn.

Dagana 7. – 20. janúar stendur yfir námskeið fyrir kórstjórnarnemendur Tónskólans.
Það er Stan Engebretson, prófessor við George Washington háskólann í Washington sem kennir. Hann er jafnframt listrænn stjórnandi kórs National Philharmonic sinfóníuhljómsveitarinnar og organisti við New York Avenue Presbeterian kirkjuna í sömu borg.
Námskeiðinu líkur svo með opnum tónleikum í Grensáskirkju mánudaginn 19. janúar n.k. kl. 20. þar koma fram kór Tónskólans og nemendur í kórstjórn.

Jólafrí nemenda og starfsfólks Tónskólans verður frá og með mánudeginum 15. desember. Kennsla hefst aftur miðvikudaginn 7. janúar 2009.
Starfsfólk Tónskólans óskar öllum gleðilegra jóla og farsældar á komandi ári!

Tvennir tónleikar verða á vegum Tónskóla Þjóðkirkjunnar nú fyrir jólin.
27. nóvember kl. 18 verða tónleikar í Langholtskirkju þar sem fram koma Eyþór Franzson Wechner og Kári Allansson, nemendur Tónskólans og Listaháskóla Íslands á kirkjutónlistarbraut. Á tónleikunum verða flutt verk eftir Johann Sebastian Bach, Dietrich Buxtehude, César Franck og Léon Boëllmann.
5. desember kl. 18 verða svo tónleikar í Hafnarfjarðarkirkju þar sem orgelnemendur Tónskólans leika á hið nývígða orgel kirkjunnar verk eftir Johann Sebastian Bach, Felix Mendelssohn-Bartholdy, Marcel Dupré og Olivier Messiaen.
Á tónleikunum koma einnig fram kórstjórnarnemendur og kór Tónskólans og flytja tónlist tengda jólahátíðinni.

Söngmálastjóri þjóðkirkjunnar í samvinnu við Félag Íslenskra Organleikara og Tónskóla þjóðkirkjunnar stendur fyrir námsferð íslenskra organista á slóðir Bachs
undir handleiðslu prófessors Hans-Dieter Möller 16.-23. Október 2008.

Lesa áfram