Útskriftartónleikar kirkjutónlistarbrautar Listaháskóla Íslands og Tónskóla Þjóðkirkjunnar verða í Hallgrímskirkju þriðjudaginn 11. maí kl. 17.
Á tónleikunum leikur Kári Allansson verk eftir Louis-Nicolas Clérambault, César Franck, Ad Wammes, Magnús Blöndal Jóhannsson, Dietrich Buxtehude og Johann Sebastian Bach.
Þessir tónleikar eru liður í útskrift Kára af kirkjutónlistarbraut til BA-gráðu og eru sögulegir þar sem Kári er fyrsti nemandinn sem líkur þessum áfanga.
Kári líkur nú í vor jafnframt Kantorsprófi frá Tónskólanum.

Í tengslum við einleiksáfangapróf Sveins Arnars Sæmundssonar verða tónleikar í Hallgrímskirkju mánudaginn 10. maí kl. 17.
Þar mun Sveinn Arnar leika verk eftir Johann Sebastian Bach, Jónas Tómasson, Þorkel Sigurbjörnsson og César Franck.

Hér er hægt að sækja um skólavist í Tónskóla Þjóðkirkjunnar fyrir skólaárið 2009-2010 og senda á tonskoli@tonskoli.is. Umsóknarfresturinn er til 15. maí.
Umsókn um skólavist
Skólagjöld 2010-2011

Inntökuskilyrði
Inntökuskilyrði fyrir Kirkjuorganistapróf er miðstig í píanói auk viðtals við skólastjóra.
Inntökupróf er fyrir nám í Kantorsnámi.
Inntökupróf er fyrir nám til BA-gráðu. Sjá nánar á www.lhi.is
Inntökupróf er fyrir nám í einleiksáfanga.

Til að sækja um kórstjórn sem aðalfag þarf viðkomandi að jafnaði að hafa nokkra undirstöðu og einhverja reynslu.

Þann 26. apríl næstkomandi verður haldin „Tónskólamessa“ í Langholtskirkju þar sem séra Jón Helgi Þórarinsson messar.
Þar munu nemendur skólans í kórstjórn, orgelleik og litúrgískum orgelleik skipta með sér hlutverkum í messunni.

Í tengslum við messuna mun Þröstur Eíríksson, kennari skólans í Sálma & Helgisiðafræði halda fyrirlestur sem ber yfirskriftina „Tónlistin í Guðsþjónustinni“. Þröstur er jafnframt hugmyndafræðingur Tónskólamessunnar og mun kynna efnið sem þar verður flutt.

Messan er hefðbundin gregormessa. Fluttar verða móttettur og sálmar er tengjast kirkjuárinu (Páskatímanum). Einnig verður kór- og orgelspuni.

Umsóknarfrestur fyrir kirkjutónlistarnám til BA-gráðu í tónlistardeild Listaháskóla Íslands fyrir veturinn 2010-2011 rennur út 15. mars n.k. Inntökuskilyrði fyrir námið er Kirkjuorganistapróf frá Tónskóla Þjóðkirkjunnar eða sambærileg menntun auk inntökuprófs. Skipulag námsins má sjá hér.
Allar nánari upplýsingar gefa Björn Steinar Sólbergsson, skólastjóri Tónskóla Þjóðkirkjunnar og Mist Þorkelsdóttir, deildarforseti tónlistardeildar LHÍ.

Í tengslum við Kantorspróf Petru Bjarkar Pálsdóttur verða haldnir tónleikar í Akureyrarkirkju næstkomandi föstudag, 29. janúar. Þar mun Petra Björk leika orgelverk eftir Storace, Bach, Mendelssohn og Messiaen.
Tónleikarnir hefjast kl. 18.00 og er aðgangur ókeypis.

Jólafrí nemenda og starfsfólks Tónskólans verður frá og með mánudeginum 14. desember. Kennsla hefst aftur mánudaginn 11. janúar 2010. 

Starfsfólk Tónskólans óskar öllum gleðilegra jóla og farsældar á komandi ári!

Tvennir tónleikar verða á vegum Tónskóla Þjóðkirkjunnar nú fyrir jólin. 

10. desember kl. 20 verða tónleikar í Langholtskirkju þar sem fram koma Eyþór Franzson Wechner og Kári Allansson, nemendur Tónskólans og Listaháskóla Íslands á kirkjutónlistarbraut. Á tónleikunum flytja þeir Eyþór og Kári verk eftir Johann Sebastian Bach, Dietrich Buxtehude, Felix Mendelssohn-Bartholdy og Jean Langlais.
11. desember kl. 17 verða svo tónleikar í Langholtskirkju þar sem orgelnemendur Tónskólans leika á orgel kirkjunnar verk tengd aðventu og jólum eftir m.a. Johann Sebastian Bach, Dietrich Buxtehude og Felix Mendelssohn-Bartholdy. Einnig koma fram nemendur skólans í litúrgískum orgelleik.

Hörður Áskelsson, söngmálastjóri Þjóðkirkjunnar heldur opinn fyrirlestur í Grensáskirkju mánudaginn 30. nóvember frá kl. 9-12. Á fyrirlestrinum fjallar Hörður um kórinn í guðsþjónustunni, hlutverk hans og hvernig velja má kórtónlist fyrir helgihaldið.
Nýjasti Söngvasveigur Skálholtsútgáfunnar, „Heyr þú oss himnum á“ verður einnig kynntur.

Í tilefni af 10 ára vígsluafmæli Noack-orgelsins í Langholtskirkju leika orgelnemendur Tónskólans á hádegistónleikum kl. 12.15 í kirkjunni 21. – 25. september n.k.