Skólaslit Tónskóla Þjóðkirkjunnar

Skólaslit Tónskólans verða í Hallgrímskirkju laugardaginn 20. maí kl. 17. Átta nemendur ljúka áfanga frá skólanum í vor. Það eru þau Ástvaldur Traustason, Kjartan Jósefsson Ognibene og Þorvaldur Örn Davíðsson sem ljúka Kirkjuorganistaprófi.
Elísabet Þórðardóttir, Hákon Leifsson, Kitty Kovács, Sólveig Anna Aradóttir
ljúka kantorsprófi. Örn Magnússon lýkur einleiksáfanga.

Kórvesper – Evensong

Föstudaginn 19. maí kl. 18 flytja nemendur úr Tónskóla Þjóðkirkjunnar og Listaháskóla Íslands, kórvesper (evensong) í Hallgrímskirkju.
Sr. Irma Sjöfn Óskarsdóttir leiðir stundina ásamt Erlu Rut Káradóttir nemanda í kirkjutónlist.
Evensong er aldagamalt form með ríkulegri tónlist, upprunninn í Englandi. Þar skiptast á lestrar og söngvar eftir ákveðinni fyrirmynd, og gegna Biblíuljóð stóru hlutverki.

Framhaldsprófstónleikar Sólveigar Önnu Aradóttur

Í tengslum við framhaldspróf Sólveigar Önnu Aradóttur verða tónleikar í Hallgrímskirkju mánudaginn 15. maí kl. 17. Á tónleikunum flytur Sólveig Anna verk eftir Johann Sebastian Bach, Dietrich Buxtehude, Nicolaus Bruhns, Edward Elgar og Jón Nordal.

Vortónleikar Tónskóla Þjóðkirkjunnar 2017

Laugardaginn 13. maí kl. 17 verða vortónleikar Tónskólans í Hallgrímskirkju þar sem fram koma nemendur skólans í orgelleik. Þau flytja orgeltónlist frá ýmsum tímum.

Framhaldsprófstónleikar Elísabetar Þórðardóttur

Í tengslum við framhaldspróf Elísabetar Þórðardóttur verða tónleikar í Hallgrímskirkju miðvikudaginn 10. maí kl. 17. Á tónleikunum flytur Elísabet verk eftir Johann Sebastian Bach, Felix Mendelssohn og Jehan Alain.

Burtfarartónleikar Arnar Magnússonar

Þriðjudaginn 9. maí kl. 17 verða burtfarartónleikar Arnar Magnússonar í Hallgrímskirkju, en Örn lýkur einleiksáfanga frá Tónskólanum.
Á efnisskránni verða verk eftir François Couperin, Johann Sebastian Bach, Jón Leifs, Olivier Messiaen.

Framhaldsprófstónleikar Kitty Kovács

Í tengslum við framhaldspróf Kitty Kovács verða tónleikar í Hallgrímskirkju þriðjudaginn 2. maí kl. 17. Á tónleikunum flytur Kitty verk eftir Johann Sebastian Bach, César Franck og Zsolt Gárdonyi.

Vortónleikaröð Tónskólans 2017

Sex tónleikar verða á vegum Tónskóla Þjóðkirkjunnar í vor;
Þriðjudaginn 2. maí kl. 17 verða framhaldsprófstónleikar Kitty Kovács, en Kitty lýkur kantorsprófi frá Tónskólanum.
Þriðjudaginn 9. maí kl. 17 verða burtfarartónleikar Arnar Magnússonar.
Miðvikudaginn 10. maí kl. 17 verða framhaldsprófstónleikar Elísabetar Þórðardóttur, en Elísabet lýkur kantorsprófi frá Tónskólanum.
Laugardaginn 13. maí kl. 17 verða vortónleikar Tónskólans í Hallgrímskirkju þar sem fram koma nemendur skólans í orgelleik.
Mánudaginn 15. maí kl. 17 verða framhaldsprófstónleikar Sólveigar Önnu Aradóttur, en Sólveig Anna lýkur kantorsprófi frá Tónskólanum.
Föstudaginn 19. maí kl. 18 verður sunginn kórvesper þar sem Erla Rut Káradóttir nemandi á kirkjutónlistarbraut LHÍ og TÞ stýrir tónlistarfluningi.
Allir tónleikarnir fara fram í Hallgrímskirkju í Reykjavík.

Umsókn um skólavist

Hér er hægt að sækja um skólavist í Tónskóla Þjóðkirkjunnar fyrir skólaárið 2017-2018 og senda á tonskoli@tonskoli.is. Umsóknarfresturinn er til 26. maí.
Inntökuskilyrði
Inntökuskilyrði fyrir Kirkjuorganistapróf er miðstig í píanói auk viðtals við skólastjóra.

Inntökupróf er fyrir nám í Kantorsnámi.

Inntökupróf er fyrir nám til BA-gráðu. Sjá nánar á www.lhi.is

Inntökupróf er fyrir nám í einleiksáfanga.
Til að sækja um kórstjórn sem aðalfag þarf viðkomandi að jafnaði að hafa nokkra undirstöðu og einhverja reynslu.

Kórvesper – Evensong

Laugardaginn 25. febrúar kl. 18 flytja nemendur úr Tónskóla Þjóðkirkjunnar og Listaháskóla Íslands, kórvesper (evensong) í Laugarneskirkju.
Sr. Davíð Þór Jónsson leiðir stundina ásamt organistanum og kennaranum Magnúsi Ragnarssyni.

Evensong er aldagamalt form með ríkulegri tónlist, upprunninn í Englandi. Þar skiptast á lestrar og söngvar eftir ákveðinni fyrirmynd, og gegna Biblíuljóð stóru hlutverki.

Nærandi stund með fallegri tónlist og allir eru hjartanlega velkomnir.

Laugarneskirkja