Hér er skóladagatal fyrir veturinn 2009-2010

Tónskóli Þjóðkirkjunnar verður settur í Grensáskirkju fimmtudaginn 3. september kl. 17. Kennsla hefst svo mánudaginn 7. september samkvæmt stundaskrá.

Skrifstofa Tónskólans verður lokuð frá 15. júní vegna sumarleyfa starfsfólks. Skrifstofan opnar aftur mánudaginn 17. ágúst.

Skólaslit Tónskóla Þjóðkirkjunnar verða í Hallgrímskirkju föstudaginn 22. maí kl. 18. Fjórir nemendur ljúka áfanga frá skólanum nú í vor. Það eru þau Helga Bryndís Magnúsdótir, Kristín Waage og Þórður Sigurðsson sem ljúka kirkjuorganistaprófi og Julian Edward Isaacs sem líkur einleiksáfanga.

Vortónleikar Tónskóla Þjóðkirkjunnar verða í Langholtskirkju laugardaginn 16. maí kl. 18. Þar koma fram nemendur skólans í orgelleik og kórstjórn auk kórs Tónskólans. Aðalverkefni tónleikanna verður Requiem eftir Gabriel Fauré sem kórstjórnarnemendur stjórna. Auk þess verða flutt orgelverk eftir Johann Sebastian Bach, Felix Mendelssohn-Bartholdy og Jaques-Nicolas Lemmens.

Í tengslum við framhaldspróf Gunnhildar Baldursdóttur og Helgu Þórdísar Guðmundsdóttur verða tónleikar í Hafnarfjarðarkirkju laugardaginn 16. maí kl. 13.30. Þar munu þær Gunnhildur og Helga Þórdís flytja verk eftir Dietrich Buxtehude, Johann Sebastian Bach, Felix Mendelssohn-Bartholdy, Léon Boëllmann, Maurice Duruflé, Samuel Barber og Jónas Tómasson.

Í tengslum við einleiksáfangapróf Julian Edward Isaacs verða tónleikar í Hallgrímskirkju mánudaginn 11. maí kl. 19. Þar mun Julian Edward leika verk eftir Dietrich Buxtehude, Johann Sebastian Bach, Felix Mendelssohn-Bartholdy, Olivier Messiaen og Charles-Marie Widor.

Tónleikar kirkjutónlistarbrautar Listaháskóla Íslands og Tónskóla Þjóðkirkjunnar verða í Hallgrímskirkju mánudaginn 11. maí kl. 18. Á tónleikunum koma fram þeir Eyþór Franzson Wechner og Kári Allansson. Flutt verða verk eftir Johann Sebastian Bach, Felix Mendelssohn-Bartholdy, César Franck og Léon Boëllmann.

Hér er hægt að sækja um skólavist í Tónskóla Þjóðkirkjunnar fyrir skólaárið 2009-2010 og senda á tonskoli@tonskoli.is.
Umsókn um skólavist
Skólagjöld 2009-2010

Upplýsingar um nám í kirkjutónlist til BA prófs er að finna á www.lhi.is

Á undanförnum árum hefur Tónskólinn staðið fyrir hjálparnámskeiðum fyrir þá erlendu organista sem lítið þekkja til hefða íslensku þjóðkirkjunnar og e.t.v. líka íslenska organista sem ekki hafa haft tækifæri til að afla sér mikillar menntunar á þessu sviði.
Mánudaginn 27. apríl n.k. verður haldið hjálparnámskeið í Grensáskirkju. Námskeiðið verður í umsjón Guðmundar Sigurðssonar, organista Hafnarfjarðarkirkju og kennara við Tónskólann.

Lesa áfram