Tónskóli Þjóðkirkjunnar verður settur í Grensáskirkju föstudaginn 7. september kl. 17. Kennsla hefst svo mánudaginn 10. september samkvæmt stundaskrá.
Skóladagatal 2007

Christopher Herrick heldur meistaranámskeið á vegum Tónskólans í samvinnu við Kirkjulistahátíð í Hallgrímskirkju 13. og 14. ágúst n.k. Sjá nánar á kirkjulistahatid.is

Hér er hægt að sækja um skólavist í Tónskóla Þjóðkirkjunnar fyrir skólaárið 2007-2008 og senda á tonskoli@tonskoli.is.
Umsókn um skólavist
Skólagjöld 2007-2008

Skólaslit Tónskóla Þjóðkirkjunnar fóru fram í Hallgrímskirkju föstudaginn 25. maí s.l. Að þessu sinni var ríkuleg uppskera þar sem sjö nemendur luku áfanga frá skólanum. Það voru þau; Gunnhildur Baldursdóttir, Hannes Baldursson, Julian Edward Isaacs, Kári Allansson og Lilja Eggertsdóttir luku kirkjuorganistaprófi, Arngerður María Árnadótttir lauk kantorsprófi og Tómas Guðni Eggertsson lauk einleiksáfanga. Er þeim öllum óskað til hamingju með áfangann og bjartrar framtíðar á akri kirkjutónlistarinnar.

Lesa áfram

Michael Radulescu hélt námskeið í orgelleik núna í maí. Var námskeiðið í samvinnu við Langholtskirkju og Listvinafélag Hallgrímskirkju. Prófessor Radulescu kenndi í þrjá daga, tveir voru fyrir nemendur og starfsfólk skólans en sá þriðji opinn öllum organistum, var þetta námskeið styrkt sérstaklega af FÍO. Prófessor Radulescu kom einnig fram á þrennum tónleikum, hann lék á orgeltónleikum bæði í Langholtskirkju og í Hallgrímskirkju auk þess þá stjórnaði hann á kantötutónleikum í Langholtskirkju. Það var einstakt að fá að kynnast þessum mikla meistara bæði sem listamanni og ekki síður sem manneskju, en það var einmitt hin mannlega hlýja sem auk hins djúpa listfengis sem snerti hvað mest við að fá kynnast þesssum stóra listamanni.

Prófessor Radulescu kennir Tómasi Guðna Eggertssyni nemanda við Tónskólann

Lesa áfram

Skólaslit Tónskólans verða í Hallgrímskirkju föstudaginn 25. maí kl. 17. Á skólaslitunum koma fram þeir nemendur sem eru að ljúka áfanga frá Tónskólanum. Það eru þau Gunnhildur Baldurssdóttir, Hannes Baldursson, Kári Allansson og Lilja Eggertsdóttir sem kjúka kirkjuorganistaprófi, Arngerður María Árnadóttir sem lýkur kantorsprófi og Tómas Guðni Eggertsson sem lýkur einleiksáfanga.

Orgelsnillingurinn Michael Radulescu kennir nemendum og starfsfólki Tónskólans á meistaranámskeiði 21.-23. maí. Koma Radulescu til landsins er samstarfsverkni Tónskólans við Langholtskirkju og Hallgrímskirkju þar sem Radulescu kemur fram á tónleikum sem orgelleikari og kórstjóri.

Vortónleikar Tónskóla Þjóðkirkjunnar verða í Hallgrímskirkju laugardaginn 19. maí kl. 14. þar koma fram nemendur skólans í orgelleik, kórstjórn og söng. Flutt verða verk eftir m.a. Bach, Vivaldi, Messiaen og Peeters.

Miðvikudaginn 16. maí kl. 17 heldur Tómas Guðni Eggertsson
orgeltónleika í Hallgrímskirkju. Á efnisskrá tónleikanna verða verk
eftir D. Buxtehude, J.S. Bach, O. Messiaen og C. Franck. Tónleikarnir
eru liður í einleiksáfanganámi Tómasar Guðna.

Föstudaginn 18. maí kl. 17 heldur Arngerður María Árnadóttir
orgeltónleika í Hallgrímskirkju. Á efnisskrá tónleikanna verða verk
eftir J.S. Bach, D. Buxtehude, F. Mendelssohn og O. Messiaen.
Tónleikarnir eru liður í kantorsprófi Arngerðar Maríu.

Fimmtudaginn 24. maí kl. 12 heldur Lilja Eggertsdóttir 8. stigs tónleika í söng í Grensáskirkju. Á efnisskránni eru verk eftir m.a. J. S. Bach, W.A. Mozart, J. Brahms, Finn Torfa Stefánsson og Karl O. Runólfsson.

Mánudaginn 29. janúar sl. fékk undirritaður það skemmtilega verkefni annað árið í röð að kenna á hjálparnámskeiði Tónskóla Þjóðkirkjunnar fyrir starfandi organista sem ekki hafa kirkjutónlistarmenntun. Það hefur verið nefnt „Hjálp í sálmalögum.“ (sbr. „Hjálp í viðlögum.“)

Lesa áfram