Laugardaginn 28. október s.l. hélt þýski orgelsnillingurinn Stefan Engels
“masterclasse” fyrir nemendur Tónskóla Þjóðkirkjunnar. Var
“masterclassinn” samstarfsverkefni Tónskólans og FÍO/organistadeildar FÍH,
en FÍO fagnar nú 55 ára afmæli sínu. Fjórir nemendur Tónskólans léku
orgeltónlist frá ýmsum tímum fyrir próf. Engels og nutu frábærrar
leiðsagnar hans. Einnig fjallaði prof. Engels um efnisskrá sína er hann
lék á tónleikum sínum í Fríkirkjunni sunndaginn 29.10. og þá sérstaklega
um síðrómantíska tímabilið í Þýskalandi. Var almenn ánægja með kennsluna
og mikill fengur fyrir skólann að fá prof. Engels.

Tónskóli Þjóðkirkjunnar var settur föstudaginn 8. september s.l. í Grensáskirkju. Kristinn Örn Kristinsson, fráfarandi skólastjóri, útskrifaði við það tækifæri 2 kantora, þá Jón Bjarnason, starfandi organista við Seljakirkju í Reykjavík og Svein Arnar Sæmundsson, starfandi organista við Akraneskirkju. Eru þeim báðum fluttar hamingjuóskir á þessum tímamótum og óskað velfarnaðar í starfi.

Lesa áfram

Tónskólinn verður settur í Grensáskirkju föstudaginn 8. september kl. 16.00. Kennsla hefst samkvæmt stundaskrá þann 11. september.

Skólastjórn hefur ákveðið að ráða Björn Steinar Sólbergsson til eins árs í starf skólastjóra í stað Kristins Arnar Kristinssonar sem óskaði ekki eftir að framlengja sinn ráðningarsamning.

Skólastjóri hefur í samráði við skólastjórn sett fram greinargerð um framtíðarskipan kirkjutónlistarnáms, bæði með tilliti til framtíðarskipulags Tónskólans og æskilegs samstarfs við Listaháskóla Íslands í náinni framtíð. Þessar hugmyndir hafa þegar verið kynntar biskupi og kirkjuráði og fengið jákvæða umfjöllun. Einnig hafa þær verið ræddar við stjórnendur Listaháskóla Íslands og sendar til Menntamálaráðuneytisins.

Skólaslit verða miðvikudaginn 24. maí, kl. 16.00 í Hallgrímskirku.

Sindre Eide mun kynna trúarlega æskulýðssönga frá ýmsum heimshornum í safnaðarheimili Grensáskirkju kl. 17.0 – 19.00 fimmtudaginn 11. maí. Fyrir alla sem koma að tónlistarstarfi í kirkjunni!

Þrennir vortónleikar nemenda verða á vegum Tónskólans að þessu sinni, 12.,13. og 14. maí. Fjölbreytt efni verður flutt og aðgangur er öllum heimill ókeypis!

Lesa áfram

Námskeið verður haldið í Skálholti dagana 8.-10 ágúst 2006, fyrir barnakórstjóra. Tema námskeiðsins verða helgisöngleikir fyrir börn og aðalleiðbeinandi verður danski kompónistinn og kórstjórinn John Høybye

Námskeið verður mánudaginn 3. apríl kl. 10.00-14.00 í Langholtskirkju þar sem þeir Eyþór Ingi Jónsson og Lars Sjöstedt munu leiða þátttakendur um leyndardóma orgeltónlistar frá tímum barrokks og endurreisnar.

Lesa áfram