Í tengslum við Kantorspróf Petru Bjarkar Pálsdóttur verða haldnir tónleikar í Akureyrarkirkju næstkomandi föstudag, 29. janúar. Þar mun Petra Björk leika orgelverk eftir Storace, Bach, Mendelssohn og Messiaen.
Tónleikarnir hefjast kl. 18.00 og er aðgangur ókeypis.

Jólafrí nemenda og starfsfólks Tónskólans verður frá og með mánudeginum 14. desember. Kennsla hefst aftur mánudaginn 11. janúar 2010. 

Starfsfólk Tónskólans óskar öllum gleðilegra jóla og farsældar á komandi ári!

Tvennir tónleikar verða á vegum Tónskóla Þjóðkirkjunnar nú fyrir jólin. 

10. desember kl. 20 verða tónleikar í Langholtskirkju þar sem fram koma Eyþór Franzson Wechner og Kári Allansson, nemendur Tónskólans og Listaháskóla Íslands á kirkjutónlistarbraut. Á tónleikunum flytja þeir Eyþór og Kári verk eftir Johann Sebastian Bach, Dietrich Buxtehude, Felix Mendelssohn-Bartholdy og Jean Langlais.
11. desember kl. 17 verða svo tónleikar í Langholtskirkju þar sem orgelnemendur Tónskólans leika á orgel kirkjunnar verk tengd aðventu og jólum eftir m.a. Johann Sebastian Bach, Dietrich Buxtehude og Felix Mendelssohn-Bartholdy. Einnig koma fram nemendur skólans í litúrgískum orgelleik.

Hörður Áskelsson, söngmálastjóri Þjóðkirkjunnar heldur opinn fyrirlestur í Grensáskirkju mánudaginn 30. nóvember frá kl. 9-12. Á fyrirlestrinum fjallar Hörður um kórinn í guðsþjónustunni, hlutverk hans og hvernig velja má kórtónlist fyrir helgihaldið.
Nýjasti Söngvasveigur Skálholtsútgáfunnar, „Heyr þú oss himnum á“ verður einnig kynntur.

Í tilefni af 10 ára vígsluafmæli Noack-orgelsins í Langholtskirkju leika orgelnemendur Tónskólans á hádegistónleikum kl. 12.15 í kirkjunni 21. – 25. september n.k.

Hér er skóladagatal fyrir veturinn 2009-2010

Tónskóli Þjóðkirkjunnar verður settur í Grensáskirkju fimmtudaginn 3. september kl. 17. Kennsla hefst svo mánudaginn 7. september samkvæmt stundaskrá.

Skrifstofa Tónskólans verður lokuð frá 15. júní vegna sumarleyfa starfsfólks. Skrifstofan opnar aftur mánudaginn 17. ágúst.

Skólaslit Tónskóla Þjóðkirkjunnar verða í Hallgrímskirkju föstudaginn 22. maí kl. 18. Fjórir nemendur ljúka áfanga frá skólanum nú í vor. Það eru þau Helga Bryndís Magnúsdótir, Kristín Waage og Þórður Sigurðsson sem ljúka kirkjuorganistaprófi og Julian Edward Isaacs sem líkur einleiksáfanga.

Vortónleikar Tónskóla Þjóðkirkjunnar verða í Langholtskirkju laugardaginn 16. maí kl. 18. Þar koma fram nemendur skólans í orgelleik og kórstjórn auk kórs Tónskólans. Aðalverkefni tónleikanna verður Requiem eftir Gabriel Fauré sem kórstjórnarnemendur stjórna. Auk þess verða flutt orgelverk eftir Johann Sebastian Bach, Felix Mendelssohn-Bartholdy og Jaques-Nicolas Lemmens.